ചെറുവത്തൂർ: ലോകകപ്പ് ഫുട്ബോളിന്റെ അവസാന റൗണ്ട് മത്സരങ്ങൾ പ്രദർശിപ്പിക്കാൻ ചെറുവത്തൂർ ടൗണിലെ ഓപ്പൺ ഓഡിറ്റോറിയത്തിൽ കൂറ്റൻ എൽഇഡി വാൾ ഒരുങ്ങി. ചെറുവത്തൂർ സ്പാർക്കും പഞ്ചായത്തും ചേർന്നാണ് 20 അടി നീളവും 12 അടി ഉയരവുമുള്ള എൽഇഡി വാൾ ഒരുക്കിയത്. സെമി ഫൈനൽ, ലൂസേഴ്സ് ഫൈനൽ, ഫൈനൽ മത്സരങ്ങളാണ് ഇവിടെ തത്സമയം പ്രദർശിപ്പിക്കുക. മത്സരങ്ങൾ കാണാനെത്തുന്നവർക്ക് സംഘാടകരുടെ വകയായി ചുക്ക് കാപ്പിയും നൽകും. 500 പേർക്കുള്ള ഇരിപ്പിടസൗകര്യവും ഒരുക്കിയിട്ടുണ്ട്.
14 ന് രാത്രി ഒമ്പതിന് പഞ്ചായത്ത് പ്രസിഡന്റ് ടി. നാരായണൻ പ്രദർശനം ഉദ്ഘാടനം ചെയ്യും. തുടർന്ന് നടക്കുന്ന ഷൂട്ടൗട്ട് മത്സരം മുൻ ദേശീയതാരം എം. സുരേഷ് ഉദ്ഘാടനം ചെയ്യും. 15ന് രാത്രി നടക്കുന്ന ഷൂട്ടൗട്ട് മത്സരം കെ.സി. ത്രോ അക്കാദമി പരിശീലകൻ കെ.സി. ഗിരീഷും 18 ന് ദേശീയ ഫുട്ബോൾ താരം ശ്രീജ വിനോദും 19 ന് ഷോട്ട്പുട്ട് താരം വി.എസ്. അനുപ്രിയയും ഉദ്ഘാടനം ചെയ്യും.പത്രസമ്മേളനത്തിൽ പഞ്ചായത്ത് പ്രസിഡന്റ് ടി. നാരായണൻ, സംഘാടക സമിതി ചെയർമാൻ വീരമണി ചെറുവത്തൂർ, സ്പാർക് സെക്രട്ടറി സജീവൻ വെങ്ങാട്ട്, ട്രഷറർ ടി. രാജൻ എന്നിവർ പങ്കെടുത്തു.
E-paper LOGIN
LOGIN
